Kryeministri Edi Rama nuk është paraqitur në takimin e sotëm me ambasadorë të huaj. Në mbledhje do të diskutohej tema e amnistisë fiskale. Sipas informacioneve, kreu i qeverisë ka ndryshuar agjendë në momentin e fundit, duke dërguar si përfaqësues të tij, kreun e grupit parlamentar socialist, Taulant Ballën dhe ministren e Ekonmisë dhe Financave, Delina Ibrahimajn.
Qëndrimin e tij për amnistinë fiskale, kryeministri Edi Rama e shprehu edhe ditën e djeshme, duke i qëndruar propozimit të tij pavarësisht kundërshtimit të ambasadorëve të huaj.
