Kryebamirësi i Shqipërisë, imami Elvis Naçi blen spitalin Continental përmes Fondacionit Firdeus. Naçi përdor paratë e Fondacionit të Bamirësisë për të blerë një spital me investim qindra miliona lekë. Nga dolën paratë? Pse Firdeus nuk bëri transparence?
Elvis Naçi, spitali ContinentalTIRANË- Ja një pjesë nga marrëveshja e nënshkruar mes Elvis Naçit, imam, drejtues i emisionit “Shqiptarët për Shqiptarët”, dhe president i Fondacionit Kulturor Jo-fitimprurës Firdeus, me pronarët e spitalit Continental, i cili prej ditësh ka kaluar në pronësinë e Naçit. Plot 350 mijë euro i kushtoi Naçit një transaksion i tillë, që ende është i mbuluar me dyshim…
Siç edhe shihet në ekstraktin zyrtar të QKB-së, Fondacioni Firdeus është tashmë pronar i Spitalit Continental, ku trualli i përket Kryegjyshatës së Bektashinjve, ndërsa godina është e Imamit Elvis Naçi.
Ajo që është ende e paqartë është nevoja e Naçit për të investuar 350 mijë €, paratë e një Fondacioni bamirësie në një spital, kur supozohet se paratë e mbledhura për bamirësi nuk kanë si destinacion, blerjen e një spitali, por ndihmën e njerëzve në nevojë.
Kryebamirësi Naçi, ose siç njihet në sytë e shumë myslimanëve si “imami modern”, në këtë transaksion blerjeje me një vlerë të konsiderueshme, siç është ajo e një godine spitalore për 350 mijë €, ka përdorur paratë e Fondacionit Firdeus…
Ky fondacion më 11 maj 2018, ka hapur edhe një qendër shëndetësore në Tiranë me planin se aty do të ofrohej ndihma mjekësore falas për të gjithë personat që nuk kanë mundësi të paguajnë…
Paradoksi qëndron në faktin, se imami Naçi pasi viziton të varfërit falas në një qendër bamirësie, kërkon pagesë nga ana tjetër në një tjetër spital, privat siç është ai Continental…
Nëse po, cila ishte fushata për të cilën Elvis Naçi ua kërkoi paratë shqiptarëve?
Pse Firdeus nuk bëri transparencë me një blerje kaq të rëndësishme?
Këto pyetje janë ende pa përgjigjie, ndërkohë që edhe vetë reputacioni i Spitalit Continental, nuk është në momentin më të mirë. Ngjarja tragjike që i mori jetën 16-vjeçares Blerta Pepa ka indinjuar mjaft qytetarë. Adoleshentja u raportua se humbi jetën parakohe për shkak të mjekimit të gabuar nga spitali Continental që tashmë është në pronësinë e Naçit.
