Në kuadër të procesit “Plumbi i artë”, mbahet në Gjykatën e Posaçme dëshmia e Nuredin Dumanit.
Ashtu si ditën e djeshme, Dumani iu përgjigj pyetjeve nga ana e mbrojtjes së të pandehurve të tjerë.
Mësohet se ai ka debatuar ashpër me ish-shokët e tij Gent Sharra dhe Asllan Plaku, teksa pretendoi se i kanë dërguar fjalë ndërkohë që ishte në qeli, për të ndërruar dëshminë për Sharrën dhe Suel Çelën.
Kjo deklaratë e tij ka irrituar Plakun dhe Sharrën, duke bërë që në seancë të ngrihen tonet.
“Ky është një qënie e shpifur që sajon gjëra”, tha Sharra.
Ndërkohë, Asllan Plaku deklaroi se ka qenë Nuredin Dumani ai që i ka vënë gjobë Gent Sharrës dhe Suel Çelës 500 mijë euro për të ndryshuar dëshminë.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
