Shoqëria Civile ka protestuar ditën e sotme para SPAK, me qëllim nxitjen e institucioneve të drejtësisë për të reaguar për ngjarjet e ndodhura në vendin tonë. Me pankarta në duar ata kërkojnë ë zbardhen disa nga ngjarjet më të bujshme në vend.
“Kush e pengon votën e diasporës në Shqipëri?”, “Kush ia fali detin Greqisë?”, “Kur do shkojnë para drejtësisë hajdutët e inceneratorëve”?, janë disa nga pankartat e tyre.
“Protestë paqësore, e demokratike që tu japi shtyse organeve të drejtësisë që të ndëshkojnë të gjithë elementët që kanë vjedhur, vrarë dhe kanë bërë korrupsione të rënda në sferen politke, ekonomike të vendt tonë. Në protestën e sotme do të lexohet vetëm një deklaratë nga kryetari i unionit të shoqërisë civile drejtuar Kuvendt, SPAK-ut dhe organizmave ndërkombëtarë këtu”, tha një prej tyre.
“Unioni i shoqërisë Civile janë mbledhur në një protestë të heshtur me qëllim që t’i japin shtysë për të përmirësuar jetrën në vend. Të ndëshkohen ata që që kanë vrarë, vjedhur e korruptuar”, u shpreh një tjetër.
