Shkruan Zef Ndreka
Pak ditë më parë , të gjithë kemi parë si u dhunua Nënë Liza dhe disa familje të tjera , në “Bregun Perendimor” të Tiranës . Kemi parë si u angazhua një polici e tërë dhe gjithë administrata e Bashkisë më në krye Erjon Veliaj . Kemi parë si u dhunuan familjarët , si u shkatërruan shtëpitë e tyre dhe si mbetën me duart lart nga qielli në mes të rrugës pa ditur ku të shkojnë . Shumë tragjike ! Kemi parë një fëmij të kthehet nga shkolla dhe nuk gjen shtëpinë ! Ajo nuk ekzistonte më . Ishte zhdukur si me magji ! Ajo ishte shëmbur ! Aty gjendej e shtrirë përdhè , gjithë djersa e mundi i jetës të prindërve dhe gjyshërve të tij . Dhe fëmija shokohet .
Ngurtësohet me çantën e librave në shpinë . Aty në shpinë të atij fëmije do i mbetët ajo çantë ! Mungon tavolina e studimit ! Mjafton kjo dhe në çdo shtet të së drejtës do të prangosej urdheruesi . Veç në Shqipëri jo ! Çfar do ti mbetët në kujtesë këtij fëmije ?! A mund ti shlyhet ndonjëherë nga memoria kjo mizori?! I shikojmë këto pamje në një kontrast të fortë më atë të një e të dy ditëve më parë , kur i gjithë pushteti e qeveria shqiptare në Laç , bashkë me Sulltanin e Ankarasë dhe një pjesë të madhe të qeverisë së tij , na shfaqën një seri tjetër të filmit “Balada e Kurbinit” , një film spektakël të ndërtimit të 522 apartamentëve në këmbim të heqjes së brekëve nga qeveria e ti dorëzohej Turqisë ! Shikonim në Laç , Erdoganin përballë brishtësisë së kryetarës së Bashkisë Majlinda Carës , që urdherohej nga Edi Rama çfarë të bënte e si të sillej , si ta respektonte mikun … Tabloja e javës nuk mbaron këtu . Ajo plotësohet të nesërmen e të pasnesërmes në Tiranën zyrtare , ku politika u bë njësh për të fshehur dhunën ndaj familjeve katolike mirditore nga 17 janari – dita e vdekjes së Kryezotit tonë , Heroit Kombëtar Gjergj Kastrioti , deri me 22 janar ! Të jetë përsëri rastësi si në Laç ?! Kryeministri Rama , Kryetarja e Kuvendit – motra e vëllait të Erdoganit , Presidenti i shkarkuar Ilir Meta që tashmë së pyet njeri në këtë vënd , të gjithë këto , i shikuam përballë Im Zot Arjan Dodës në Tiranë !
Në një ceremoni fetare ! Dhe sigurisht , bënin sikur luteshin . Duke mëkatuar përsëri ! Ndërkohë , Erion Veliaj i urdheruar nga Edi Rama , përplasej me Nënën fisnike , heroinën Liza , bashkë me Ded Markun dhe Gjin Markun , duke ndjekur brenda 48 orësh dy standarte të ndryshme me kryebashkiakët ! Dhe politika e “dergon” Berishën me shërbim në Rrëshen për të çorodirur më tej mirditorët ! Ai po kthen reston e Rames . Asnjë nuk e ceku atë dhunë ndaj katolikëve ! A nuk u vrarë edhe me 21 janar katër qytetarët e pafajshëm 11 vite më parë në mes të bulevardit ?! Çfarë u bë për zbardhjen zyrtare të asaj masakre ?! Pas 11 vitësh tallje me fatkeqësinë e katër familjeve 21 janari i sivjetshëm u pa si kaloi , si çdo vit . U pa çfarë spektakël u bë nga vetë kryeministri Edi Rama në radhë të parë . Në vënd që të merrëshin me vrasësit dhe urdheruesit e tyre , por nga frika e ndonjë hakmarrjeje për Nënë Lizën u shpërndanë për të nxjerr në pah “vlerat” mirditore , për të “qetësuar” situatën . Për t’u qetësuar nga frika e një dhunë ndaj Tiranës zyrtare , ndaj ndonjë konflikti të tipit Israel – Palestinë , që ndërton pa leje në Bregun Perendimor të lumit Jordan . 21 Janari , është numri i shekullit , i luftës kulturore – fetare , luftë e parashikuar nga Hangtinton dhe Jeacque Atalier për shekullit XXI . Në mos qoftë Erdogani iniciuesi i këtij konflikti e konfrontimi me argumentin se , Erjon Veliaj është qytetar i kategorisë së parë ! – ndërsa Nënë Liza , Deda , Marku etj qytetarë të kategorisë së katërt ! Dhe politika u duk se levizi , u bashkua ! Ajo u bë njësh për të fshehur dhunën dhe për të dal pa “lagur”.
Kjo ndodhi !
Me gjasë , do të ndodhë përsëri sa herë shqiptarët nuk reagojnë.
