Mësohet se autoritetet e policisë turke kanë sekuestruar sasi Cannabis Sativa dhe vaj nga kjo lëndë narkotike.
Sot në orën 13 e 30 minuta, polica turke, pas një kontrolli të imët, ka bllokuar një kamion që udhëtonte nga Mali Zi, në të cilin transportohej lëndë narkotike e llojit Cannabis Sativa, si dhe një sasi vaji e Cannabis Sativa.
Kamioni me hashash dhe vaj, drejtohej nga shoferi malazez D.M.
Ngjarja, raportohet se ka ndodhur në pikën kufitare Kapi Kule, Edirne, të Turqisë.
Pas veprimeve të para, policia turke, raporton se janë sekuestruar 82 kilogram Cannabis Sativa dhe 2 kilogram vaj nga kjo lëndë narkotike.
Është bllokuar kamioni dhe drejtruesi i tij, së bashku me lëndën narkotike. Materialet i kaluan organeve të prokurorisë për verifikim të specializuar.
