Burime nga Spak bëjn me dije, se organi i akuzës në kuadër të procedimit penal nr 209 të vitit 2021, i regjistruar për veprën penale “korrupsion aktiv/pasiv” ndaj gjyqtares Zamira Vyshka, është duke transkiptuar nga analizimi në laborator i celularëve të të hetuarve, sms e tyre në platformat whatsapp, signal, viber, etj. Njëkohësisht ka nisur dhe hetimi pasuror për gjyqtaren Zamira Vyshka, avokatin Ilir Pashai dhe të arrestuarit e tjerë, Taulant Ramollari, Xhulio Musai dhe Andrea Tirana.
Në deklarimin e dorëzuar në ILDKPKI, gjyqtarja zotëron disa troje, ndërtesë 2 kate dhe truall. Vyshka deklaron edhe një llogari bankare 290 mijë USD, dhjetra troje dhe objekte të paregjistruara në hipotekë. Po nga të njëjtat burime, pohoet se gjyqtarja Zamira Vyshka gëzon disa prona që dyshohet se i fsheh nën emrin e Florenc Salibasha, administratorin e firmës “Flobest 2003” shpk (NIPT J93112231N.
Kompania merret kryesisht me importe nga Kina dhe Turqia si dhe tregëtim me shumicë dhe pakicë të të gjitha llojeve të konfeksioneve, me adresë qytetin e Elbasanit, fshati Bradashesh, rruga Elbasan-Metalurgjik km 5, zona kadastrale 8526, pasuria nr.332/215.
Pikërisht në këtë adresë ku ndodhet fabrika e perdeve në autostradën Elbasan-Metalurgjik, gjyqtarja është vëzhguar nga forcat operacionale pas takimi të saj me avokatin Ilir Pashai, duke ngritur dyshimet se është pronare në këtë fabrikë të fshehur pas emrit të Florenc Salibashit. Ky i fundit del edhe në përgjimet e gjyqtares Zamira Vyshka, në mënyrë të drejtpërdrejt komunikon me të dhe familjarët e Xhulio Musait.
Sipas hetimeve, ka të bëjë për një rast të korrupsionit aktiv/pasiv në sistemin e drejtësisë, ku persona të interesuar/familjarë të një shtetasi të arrestuar në bashkëpunim me avokatin mbrojtës, i kanë ofruar gjyqtarit të çështjes një shumë monetare me qëllim favorizim në caktimin e masës së dënimit.
Bëhet fjalë për familjarë të Xhulio Musajt, i cili ishte arrestuar për plagosje, të cilët me anë të avokatit të tyre Ilir Pashaj i ofruan gjyqtares 2 milionë lekë të vjetra.
Por pas takimit me gjyqtaren, sipas SPAK ajo ka kërkuar më shumë para. Ngjarja ka ndodhur në 2021 dhe gjyqtarja ka marrë shumën e 4 milionë lekëve.
Informacionet për këtë rast korrupsioni SPAK i ka marrë në rrugë operative dhe në sajë të përgjimeve, pasi janë sinjalizuar për këtë rast korrupsioni. Avokati Ilir Pashaj ka qenë gjyqtar në Elbasan. Pashaj u largua nga sistemi para vettingut për mos plotësim të formularit të deklarimit. Prej 4 vitesh ushtron detyrën e avokatit.
Gjykata e Posaçme ka caktuar “arrest në shtëpi” për gjyqtaren e Elbasanit, Zamira Vyshka, ndërsa ka caktuar masën arrest me burg për avokatin Ilir Pashaj, Xhulio Musaj dhe Taulant Romallari.
