Pas Yuri Kim, Erion Veliaj vlerëson SPAK-un/ Arben Kraja heton WC-në e shkollës ‘Sami Frashëri

0

Ambasadoren Yuri Kim të gjithë e dëgjuam që numëroi sukseset e SPAK-ut ne studion e Eni Vasilit. Për suksese flitet gjithandej. Pas ambasadores rrinë në rradhë shumë të dyshuar për pasuri nga fondet publike. Një ndër te lakuarit në median e pavarur është edhe kryebashkiaku i Tiranës.

Erion Veliaj flet sikur dëgjon ambasadën. Ai tha se SPAK duhet të hetojë të gjitha fushat, teksa dha një shembull për shkollën e rindërtuar të “Sami Frashërit”.

Në një intervistë me Sokol Ballën për “Top Story” nga Nju Jorku, Veliaj tregoi sesi SPAK po heton një wc provizore në këtë shkollë, teksa u shpreh i bindur se prokurori do dalë në përfundimin se nuk ka abuzime.

“Të jap një rast timin se duket sikur po bëj avokati për diçka që nuk meriton avokati se ishte një klithmë publike që këtu të veprohet. Unë nuk kam problem që SPAK është duke hetuar murin ndarës midis shkollës “Sami Frashëri” dhe teqes dhe një wc të bërë aty provizorisht për të ngulur një gozhdë.

Nuk kam përfitim personal nga Sami Frashëri se un nuk jetoj aty, nuk kam shtuar kat dhe nuk jam më student. Unë konfliktin e interesit dhe këtë konkluzion do të arrijë edhe SPAK.

Ajo wc nuk është më fizikisht aty dhe kur shikon si i ka ngritur opozita këto, nuk është shtëpi private është e bashkisë. Gjasat janë që do mbyllen se nuk ka abuzime. Këtu prevalon interesi publik”, tha Erion Veliaj.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu