Zëvendëskryeministri në detyrë i qeverisë së Kosovës, Behgjet Pacolli, i njohur si biznesmen i sukseshëm la dhuruar 1 moëion euro për të kontribuar për familjet e prekura nga tërmeti në Shqipëri. Këtë shumë Pacolli e ka bërë vetë publike në një postim në Facebook. Ao ka qenë vetë prezent në Durrës e Thumanë ku ka parë nga afër situatën tejet të rëndë e të pa imagjinueshme.
Për këtë solidariteti, kryeministri Edi Rama e ka falenderuar publikisht.
“RROFSH e QOFSH me fëmijët, gruan, vëllezërit dhe kë të do e bardha zemër O BEHGJET PACOLLI🙏”, shkruan Rama.
Postimi i plotë i Pacollit
Unë u trondita kur pashë dëmet në jetën e njeriut dhe në infrastrukturë që tërmeti shkatërrues po lë pas në Shqipëri.
Kjo kërkon solidaritet dhe mbështetje për të siguruar që qytetarët e prekur mund të kthehen shpejt në jetën normale.
Kemi vendosur së bashku me familjen time (ne djemtë e Isa dhe Ruhan Pacollit) që të dhurojmë #1milion Euro për rindërtimin e zonave të prekura nga tërmeti.
Ky donacion do të shkojë në funksion të rindërtimit dhe bashkë me Qeverinë e Shqipërisë do të menaxhohet në mënyrë transparente dhe të sigurt.
Kjo është më e pakta që unë dhe familja ime mund të bëjmë për Shqipërinë tonë të dashur.
Mbështetja ime për vëllazerit tonë do të jetë e vazhdueshme dhe shpresoj së shpejti ata të kthehen në normalitet.
Unë pres po ashtu që në menyrë të organizuar të pranoj edhe qindra familje këtu në Prishtinë.
