Avokati, Kastriot Frashëri thotë se flamuri turk nuk duhet të ishte vendosur në kullën e vrojtimit në plazhin e Gjirit të Lalëzit dhe se pushuesi i cili e hoqi dhe e hodhi në det, nuk ka kryer vepër penale.
Për “Euronews Albania”, Frashëri u shpreh se në ambiente publike, në plazhe dhe aq më tepër në kulla vrojtimi, nuk ka pse të vendosen flamuj të shteteve të tjera.
Frashëri e konsideron qesharake procedimin penal të policisë për pushuesin 48-vjeçar dhe shtoi se veprat penale që i atribuohen atij janë të pakuptimta.
“Sigurisht, ka një rregull për përdorimin e simboleve dhe të flamurit kombëtar, i cili është i detyrueshëm për t’u zbatuar nga të gjithë institucionet dhe nga individi, por ne shohim që kjo deri më sot nuk është zbatuar. Është përdorur në një mjedis publik, në kullën e vrojtimit në plazh.
Ai është një vend në të cilin nuk ka nevojë të vihet flamur tjetër përveç atij kombëtar. Flamuri turk nuk duhej të ishte vendosur në kullën e vrojtimit në plazh. Fakti që ka jnë proocedim nga policia e shtetit, Më duket tejet qesharake, dy veprat penale që i atribuohen janë pa sens”, theksoi avokati.
