Transformimi i Luiz Ejllit nga demokrat i përbetuar që ngrinte dolli në emër të Sali Berishës, në të ftuarin special të podcasteve të Edi Ramës fill pas daljes së tij nga Big Brother duket se ka një prapaskenë sa elektorale aq dhe përfitimesh monetare për fituesin e Big Brother, Luiz Ejlli.
Dokumentet e transaksioneve të tij të fundit bankare shfaqin disa realitete të ndryshme nga ato që i janë servirur publikut. Martesa e dytë me moderatoren Kiara Tito u tha të ishte zyrtare dhe për këtë ceremonia dhe dokumenti i lidhjes së martesës u nënshkrua në prani të kandidatit të Partisë Socialiste, Erion Veliaj. Ejlli shprehu mirënjohjen për Veliajn teksa ky i fundit nuk la pa shpenzuar minutat e fundit të dasmës për fushatë elektorale.
Por, rezulton që kjo martesë të ketë qenë totalisht fiktive ndryshe nga çfarë u tha gjatë spektaklit. Në dokumentin e firmosur nga Luiz Ejlli më 22 maj 2023 gjendja e tij civile rezulton të jetë ‘beqar’.
Pas daljes së Luiz Ejllit nga Big Brother, zyra përmbarimore i ka rithyer noterinë në pronësi të tij, e cila për shkaqe debitore ishte mbyllur. Këngëtari i cili me mbështetjen e ish vjehrrës Jozefina Topalli lëvizte në Paris me targa diplomatike e që më pas në Tiranë u bë noter, tashmë ka vendosur të ndryshojë sërish drejtimin e karrierës.
Nipti i noterisë ka ndryshuar aktivitetin dhe do të operojë në prodhimin e produksioneve televizive, spoteve publicitare, realizim klipesh dhe koncerteve indoor dhe outdoor.
Luiz Ejlli është shfaqur në krah të Benet Becit, kryetarit aktual të Bashkisë së Shkodrës, madje bëri edhe fushatë me të pas përfundimit të kompeticionit.
Burime pranë selisë rozë konfirmojnë se angazhimi i Luiz Ejllit në strukturat e Parisë Socialiste do të jetë edhe më solid në vijim. Duket se koalicioni ‘Bashkë Fitojmë’ i Berishës e Metës jo vetëm që nuk fitoi gjë në zgjedhjet e 14 majit por humbi edhe ish dhëndrin e Jozefinës.
