Deputeti Dashamir Shehi tha në një intervistë për Euronews Albania se çështja e dosjeve është “stërzgjatur” dhe duhet të mbyllet.
Sipas tij të gjithë ata që duan të merren me politikë duhet t’i hapin dosjet me detyrim. Shehi tha se duhet miratuar një ligj për një farë kohe në mënyrë që kjo histori të mbyllet.
Është e pakuptimtë, për deputetin, që një grup në fuqi të gjejë një dosje për palën tjetër dhe të krijohet zhurmë e panevojshme.
“Nëse ka vullnet mund të bëhet shumë shpejt”, propozoi Shehi.
