Përfaqësuesit e Shteteve të Bashkuara të Amerikës në Tiranë u kanë dhënë sot një mesazh shpresëdhënës shqiptarëve, duke sinjalizuar se fundi i kupolës politike të korruptuar shqiptare është më afër se kurrë. Përmes një deklarate, Ambasada Amerikane në Tiranë ka paralajmëruar sot se ditët e kokave të krimit dhe korrupsionit në Shqipëri janë të numëruara. Sipas amerikanëve shkallmimi i klasës së korruptuar politike shqiptare do të bëhet nga SPAK-u. Ky mesazh vjen në kushtet kur Ilir Meta ka bllokuar betimin e prokurorëve të SPAK-ut, duke mos i lejuar të nisin detyrën. Meta e ka shtyrë betimin më 19 dhjetor, por ka dyshime të forta se nuk do të lejojë që prokurorët e SPAK të nisin punën, për shkak të frikës nga arrestimi bashkë me Monikën, për korrupsion, pastrim parash, fshehje pasurie etj. Meta dhe Monika do të jenë zyrtarët e parë që do goditen nga SPAK-u, për të vijuar më tej me ministrat dhe drejtorët e korruptuar të Edi Ramës.
