Në mëngjesin sotëm, Policia e Kosovës, në bashkpunim me Prokurorinë, zhvilloi një aksion të madh të sekuestrimit të vilave dhe shtëpive multimilionëshe, të cilat u ndërtuan në mënyrë të jashtëligjshme për vite të tëra në Parkun Nacional të Sharrit në Brezovicë.
Gjatë këtij aksioni, policia, me urdhër të prokurorisë, ka sekuestruar rreth 100 objekte, ku përfshihen vila, vikendshtëpiza të përfunduara dhe ato në ndërtim e sipër.Sipas burimeve të konfirmuara të KosovaNews brenda Policisë së Kosovës,më së paku dy vila u janë konfiskuar dy vëllezërve të Hahim Thaçit.
KosovaNews ka kontaktuar edhe me dëshmitarë okularë, të cilët kanë konfirmuar prezencën e Policisë së Kosovës në pronat e familjes Thaçi në Brezovicë.
Kujtojmë se ish- presindenti Hashim Thaçi gjatë kohës sa ishte në pushtet është parë shpesh në Brezovicë duke kaluar vikendet atje.Gjithashtu, në Brezovicë gjithmonë është përfolur se atje shumë politikanë kanë ndërtuar vila luksoze e që shumë prej tyre nuk i kanë të deklaruara në emër të tyre për shkak të prejardhjes së jashtëligjshme të pasurisë.
