Dasma do mbahet në Stamboll.
Nurgul Yesilcay është një nga aktoret e njohura turke, e cila është pjesë e mediave rozë, si për jetën private ashtu edhe për atë profesionale.
Tash e një kohë të gjatë për të është shkruar shumë se është në lidhje me producentin filmik turk, Necat Kocabay. Sa i përket kësaj, dyshja kanë qenë mjaft të rezervuar. Ata lidhjen e tyre arritën që ta mbajnë sa më larg syrit mediatik.
Por, sipas mediave turke, çifti tashmë kanë vendosur që të kurorëzojnë lidhjen e tyre me një martesë. Raportohet se tashmë Necati i ka propozuar bukuroshes dhe kjo e fundit e ka dhënë përgjigjen “Po”.
Dyshja e kinematokrafisë turke, ka nisur përgatitjet për dasmë që pritet të mbahet në Stamboll, në prani të miqve dhe familjarëve.
