Kompania Google pranoi të paguante 391.5 milionë dollarë, për të mos nisur procedurat ligjore që kishin nisur kundër saj nga 40 shtete federale amerikane.
Prokurorët e shtetit kanë akuzuar Google se ka mashtruar përdoruesit e saj në lidhje me mbledhjen e të dhënave për vendndodhjet e tyre, edhe kur ata çaktivizojnë gjurmimin e vendndodhjes kur konfigurojnë llogaritë e tyre, raporton BBC.
Kompania u urdhërua të jetë transparente në lidhje me gjurmimin e vendndodhjes në të ardhmen dhe të zhvillojë një faqe interneti ku përdoruesit mund të shohin saktësisht se çfarë të dhënash po mblidhen.
Muajin e kaluar, Google i pagoi 85 milionë dollarë shtetit të Arizonës për padi të ngjashme mbi mbledhjen e të dhënave të vendndodhjes së përdoruesve dhe ende nuk ka shkuar në gjyq për padi nga Teksasi, Indiana, Uashingtoni dhe Distrikti i Kolumbisë.
Vendndodhjet e përdoruesve ndihmojnë reklamuesit kur synojnë produktet, kështu që Google gjeneron të ardhura vjetore prej 200 miliardë dollarësh nga reklamat.
