Sekretariati i Përgjithshëm i Mbrojtjes Civile të Greqisë ka sjellë sot për publikun shqiptar një udhëzim për përballimin e tërmeteve që e gjeni të plotë më poshtë.
1.Përgatitja
a) Brenda shtëpisë
• Fiksoni mirë pas mureve raftet dhe biblotekat. Largoni nga portat mobiljet e larta të cilat mund të rrëzohen dhe të përbëjnë pengesë per të larguar.
• Vidhosni mirë në mure bolierin, depozitat e lëndëve djegëse dhe të ujit.
• Vendosni sendet e rënda në raftet më të ulëta.
• Largoni sendet e rënda nga krevatet dhe kolltukët.
• Fiksoni mirë llambadarët dhe freskueset e tavanit.
• Përcaktoni vendet e sigurta në çdo dhomë të shtëpisë:
– Poshtë tavolinave të sigurta.
– Larg sipërfaqeve prej qelqi dhe bibliotekave.
– Larg mureve të jashtme.
• Kontrolloni funksionimin normal të rrjetit së energjisë elektrike dhe të gazit.
• Informoni të gjithë pjesëtarët e familjes për mënyrën e mbylljes së siguresave të energjisë elektrike, ujit dhe gazit si dhe për numrat telefonikë të emergjencave, numri kryesor, 112.
• Pajisuni me nje radio me bateri, elektrik dore si edhe nje kuti të ndihmes së shpejtë.
b) Jashtë shtëpisë
• Zgjidhni një vend takimi pas tërmetit, i cili të ndodhet:
Larg ndërtesave dhe pemëve.
Larg kabllove të linjave elektrike dhe të telefonisë.
2. Në momentin e tërmetit
a) Kur jeni brenda në shtëpi.
• Ruani qetësinë.
• Futuni poshtë mobiljeve të forta (Tavolina, banakë, etj.) përkuluni dhe mbani me duart tuaja nje kembe te mobiljes.
• Në rast se nuk keni mobilje të forta, perkuluni në mes të dhomës, duke reduktuar sa të mundeni gjatësinë tuaj dhe mbroni me duart tuaja kokën dhe qafën. Largohuni nga siperfaqet e medha prej qelqi (dritare, ndarje xhami) ose mobilje dhe objekte që mund tju dëmtojnë.
• Μos u largoni nga shtepia.
• Mos dilni në ballkon.
b) Nëse jeni në një ndërtesë të lartë
• Largohuni nga xhamat dhe muret e jashtëm.
c) Nëse jeni në ambjente argëtimi, në qendër tregtare ose dyqan të madh
• Ruani qetësinë
• Qëndroni në ambient deri sa të mbarojnë lëkundjet.
• Mos ndiqni turmat që janë në panik dhe levizin në menyrë te çrregullt drejt daljeve, sepse rrezikoni të shkeleni me këmbë.
d) Nëse ndodheni në ambient të hapur
• Largohuni nga vende që ndodhen poshtë ndërtesave, kabllove të linjave elektrike dhe të telefonisë.
• Nëse keni çantë ose dosje, mbuloni kokën me të.
e) Nëse ndodheni brenda në makinë
• Drejtohuni drejt një vendi të hapur dhe ndaloni me kujdes makinen ne mënyrë që mos të pengojë qarkullimin.
• Shmangni kalimin nëpër tunele, ura, nënkalime dhe mbikalime.
3) Çfarë të bëni pas tërmetit
a) Nëse jeni brënda shtëpisë
• Përgatituni për tërmete te tjerë, të mundshëm.
• Kontrolloni me kujdes veten dhe të tjerët pranë jush për dëmtime të mundshme.
• Nëse ka persona me dëmtime të rënda mos i lëvizni.
• Evakuoni ndërtesën nga shkallët (mos përdorni ashensorin), por më parë ulni siguresat elektrike, mbyllni bombulat e gazit dhe ujin.
• Drejtohuni tek një vend i hapur dhe i sigurtë.
• Ndiqni udhëzimet e autoriteteve dhe mos u jepni rëndësi fjalëve që përhapen.
• Mos përdorni automjetin pa arsye në mënyre qe mos të bëhen pengese për grupet e shpëtimit.
• Përdoreni telefonin fiks ose celularin vetëm në raste të vecanta, sepse shkakton mbingarkesë të linjave telefonike.
• Shmangjuni hyrjes në shtëpi nëse shikoni dëmtime, kabllo të këputura ose rrjedhje të gazit.
