Marrëdhënia në çift ka shumë anë positive dhe negative. Shpesh ndarja cilësohet si pjesa më e mirë nëse lidhja nuk shkon siç duhet, por kemi dhe shumë raste kur çiftet nuk e pranojnë ndarjen dhe mbeten “miq”, me njëri tjetrin.
Sipas psikologëve, të qëndruarit mik me ish-in pas ndajres nuk është një ide e mirë. Pse? Për këto arsye:
Nuk mund të fikni papritur ndjenjat
Personat që mbeten miq me ish-at e tyre, zakonisht nuk duan t’i japin fund lidhjes në një mënyrë të ashpër dhe duan që të mos i shkëpusin marrëdhëniet menjëherë. Është e natyrshme të mos dëshironi të humbisni një person të rëndësishëm në jetën tuaj, por lidhja me ta pas ndarjes, do të bëjë të pamundur fshirjen e ndjenjave që keni për ta. Pasi të filloni të ndiheni rehat në shoqërinë e njëri-tjetrit, ato ndjenjat romantike mund të rikthehen, duke dalë në sipërfaqe edhe një herë.
Do jetë më e vështirë të vazhdoni jetën normalisht
Të qenit pranë ish-it gjatë gjithë kohë do ta bëjë më të vështirë largimin e ndjenjës nga ana juaj. Me fjalë të tjera, me siguri do të keni ndjenja të përziera që do ta bëjnë procesin e harresës më të vështirë. Pas një ndarje, njerëzve ju duhet kohë për t’u shëruar dhe për të reflektuar në një marrëdhënie dhe kjo bëhet më e vështirë nëse ish-at janë rreth e rrotull.
Ish-i juaj mund të jetë ende i dashruar me ju
Kur një çift ndahet, zakonisht nuk është një vendim i ndërsjellë. Personi tjetër mund të kenë ndjenja dhe kjo mund të rishfaqë zjarrin në marrëdhënie, mirëpo një lidhje e konsumuar, nuk mund të ketë të ardhme. Është më mirë të mos i ushqeni shpresa të panevojshme, kur e keni ndarë mendjen që do t’i jepni fund.
Të qenit miq mund të jetë e dhimbshme
Le ta pranojmë, askush nuk i pëlqen të vëzhgojë nga rreshti i parë kur ish i tyre po gjen një dashuri të re dhe fillon një marrëdhënie të re romantike. Por nëse vendosni të mbeteni miq me personin me të cilin dikur ishit të dashur, përgatituni të merreni me këto lloj situatash që gjithmonë do të jenë të vështira dhe të dhimbshme për t’u parë.
