Presidenti i dorëhequr i Kosovës Hashim Thaçi, kryetari i PDK Kadri Veseli dhe deputeti i Vetëvendosjes Rexhep Selimi kanë mbërritur tashmë në aeroport, të gatshëm për të udhëtuar drejt Hagës.
Ata kanë qenë në selinë e EULEX-it në Prishtinë nga dhe janë nisur drejt aeroportit ushtarak.
Shoqërimi i tyre ka qënë i sigurisë së lartë, nga 7 makina të EULEX dhe dy të policisë së Kosovës.
Hashim Thaçi ka dhënë dorëheqjen e parakohshme nga presidenca për t’ju përgjigjur akuzave për krime kundër njerëzimit që rëndojnë ndaj tij për periudhën e luftës Kosovë-Serbi.
Ish president Thaçi njoftoi sot se, Gjykata Speciale e Hagës ka konfirmuar akuzat porse ai nuk pranon të përballet me tribunalin në pozitën e kryetarit të shtetit, ndaj dhe ka dhënë dorëheqjen.
