Can Yaman është një nga aktorët më të preferuar turk.
E kemi parë në disa seriale në Tring, si “Pavarësisht dashurisë” apo “Hëna e plotë”. Ai u shpall aktori më seksi i vitit 2018 dhe kjo gjë ka ndikuar që Can të jetë një ndër me të ndjekurit në rrjete sociale.
Ai numëron 3,1 Milionë ndjekës në Instagram. Shumica e tyre janë vajza e për më tepër shqiptare. Kjo për faktin se ai ka prejardhje shqiptare nga ana e babait.
Në momentin që hap profilin e tij në Instagram e kupton menjëherë se ke të bësh me një artist.
Fotot e tij janë shumë profesionale dhe duket që kujdeset për imazhin që përçon tek ndjekësit.
Kjo ndodh edhe për faktin se ai aktrimin përveçse profesion e ka edhe pasion mbi të gjitha.
Nuk nguron të ndajë me ndjekësit e tij momente nga xhirimet e filmave ku ai luan.
Nëse mendoni se një aktor me këtë karrierë kaq të suksesshme ka axhendë të ngjeshur dhe nuk disponon kohë të lirë, gaboheni! Can arrrin të organizojë punën në mënyrë që të ketë kohë të lirë.
Në këtë pak kohë të lirë tijën, i pëlqen të lexojë libra ose të shkojë për peshkim. Janë dy aktivitete relaksuese që e bëjnë të harrojë çdo stres dhe rutinë. Normalisht që edhe palestra nuk neglizhohet pasi kjo është evidente nga format e tij trupore.
Një aktor kaq seksi normalisht kujdeset edhe për look-un. Ai ka një trup gati perfekt, të palestruar dhe mëse në formë. I pëlqejnë shumë aksesorët si syzet, varëset e gjata dhe evidente, unazat e shumta dhe të mëdha si edhe xhaketat e lëkurës.
Flokët e gjatë dhe mjekra i japin një pamje akoma edhe më burrërore. Eshtë buzëqeshja ajo që i jep ëmbëlsi portretit të tij dhe çmend të gjitha vajzat që e simpatizojnë.
