Rolet e divergjencave false mes Berishës, Ramës dhe Metës, jo vetëm janë uzurpuar, por treshes mëkatare u kanë rënë “bateritë” e mashtrimit…Shkruan Sokol Pepushaj
Pra, do kishim një “minim” të rrugës ku ecin hajdutët. Do “çeleshin” dy shtigje të reja, ku edhe ambasadori pasardhës i Yuri Kimi, do të duhej të takonte monstra si Monika Kryemadhin, Damian Gjiknurin apo hajdutin e dy palë zgjedhjeve Ilirjan Celibashin, për gjetjen e ‘fijes së Arjanës’ që e ka fshehur skutave të korrupsionit Babloku.
Ç’presin të ndodhë këta hajdutët tanë?
Për gjithë hajdutët do të ishte mirë, që pasardhës i Edi Ramës të bëhej paraardhësi i tij, Sali Berisha.
Nëse Jezu Krishti u ngjall një herë, Sali Berisha dy herë…
Saliun nuk e kryqëzoi para 2000 vjetësh guvernatori i krahinës romake të Judesë Ponc Pilati, as një prefekt i Edi Ramës, se po të qe ashtu, të paktën do e kishim bust.
Saliu nuk përçonte fjalën e Perendisë, por u bë Djall.
Pas betejave të përgjakshme, ku grabiti paratë me firmat piramidale e pushkatoi mbi 4000 shqiptarë, u bë armik i popullit të vet.
Njëherë u “vra” para një shekulli, më 1997, herën e dytë para një dekade, më 2013.
Aq të liga janë mëkatet, sa Departamenti Amerikan i Shtetit, për të ruajtur njerëzinë nga ky Djall, u desh t’ia shënojë emrin në Repartet e Sigurisë, ta pajisë me dokumentin ‘non-grata’ që të jetë i identifikueshëm kudo.
Prandaj ky emër është tmerr…
Gjithsesi, edhe në mos qoftë afër të mundurës që Sali Berisha të ringjallet për herë të tretë, hajdutët “gjuajnë” e paguajnë me taksat tona, këshilltarë nga Tony Blear e deri tek rusët e Putinit, ku plan rezervë kanë rikonfigurimin e një Miti jo të vdekur, por të rrëzuar si hajdut.
Kjo e dyta ka më shumë dukje.
Zbarkimi i agjentëve të DEA-s amerikane për arrestimet VIP, ka trazuar ujërat e çdo “Peshku”. Rrezikohen të gjithë…
Nevoja, gjoja për ta mbrojtur Bablokun nga rreziqet “dashakeqëse”, si dikur Enver Hoxhën, do të ringjallte diskutimin për pse-në e funksionimit të një politike të njësuar, të drejtuar nga një forum i përbashkët, tip ‘çorbë turke’, Qeveri Teknike, thuaj. Do i ngjante debatit që futi në tregun mediatik kryepolici Muhamet Rrumbullaku, për heqjen e mjekrave e mustaqeve të policëve, por që nuk rruante dot ministrin Bledi ose Blendi Çuçi apo kryeministrin Edi ose Edvin Rama. Se kështu i bëjnë punët këta, se të tërë kanë hije të forta dyshimi brenda vetvetes.
Ja, ngritja e Edi Ramës Mit, largon burgun për Saliun e Ilirin.
Se po, Sali Berisha ose është informuar, ose e ka nuhatur se do të arrestohet shumë shpejt. Prandaj i ka shkurtuar ca “brirët”, ka fikur “helikat” e “nëndetëseve” antiamerikane dhe ka karikuar tërbimin e ish Presidentit të Republikës, për misione shërbestare ndaj Klaneve Mafioze.
Sot mafias dhe hajdutëve u intereson konflikti social, çarjet diplomatike, rrëzimi i qeverisë dhe zgjedhjet e parakohshme.
Të tërë po synojnë një byro politike, si qëmoti, për të marrë vendim se kur do të plasin manifestimet e egra antiamerikane, kur do të vijë rasti për t’iu turrur institucioneve, por së pari, një tip Qeverie Teknike, për t’u identifikuar secili me “babanë e tij shpirtëror”.
Prandaj ngjan kohë e “mirë” për një “atentat”.
Pas përplasjeve me Iranin, Bablokut do t’i shërbente një imitim formal i mënyrës se si po rrjedhin ngjarjet në Rusi, Ukrainë, Ballkanin e Hapur për pasanikët dhe kriminelët e të mbyllur për ngritjen e standarteve ekonomike, lirisë dhe të drejtave njerëzore, deri në tjetërsimin e vullnetit të sovranit, që sa herë voton, vidhet.
Pas sulmit kundrejt limozinës së Vladimir Putin dhe aksidentit të Presidentit Ukrainas Volodymyr Zelenski, Bablokut tonë do i bënte punë një inskenim për eleminim fizik.
Një atentat e bën lajm e mesazh Bablokun.
Hajdutët do e paraqitnin të fortë, Vladimir Putin, kurse mediat, viktimë, Volodymyr Zelensk.
Në këtë rast, amerikanët do duhej të “studiojnë” edhe njëherë çuditë shqiptare, se si intriga dhe gënjeshtra në “maternitetin” e “Djallit”, lindnin të vërteta.
Nëse rrezikohet qeverisja e Edi Ramës, pasaardhësit e tij do të ishin paraardhësit e tij. Pra do largohej Babloku me hajdutë e kriminelë dhe do vinin Sali Berisha e Ilir Meta me kriminelë e hajdutë.
Punë Dreqi këto…
Po, nëse ende nuk dihet cila femër e futi Djallin e lashtësisë në shishe, dihet ajo që po mban “Djajtë” e fshatit tonë në rrjetë.
Kjo histori e re, s’qenka edhe aq e re.
Rolet e divergjencave false mes Berishës, Ramës dhe Metës, jo vetëm janë uzurpuar, por treshes mëkatare u kanë rënë “bateritë” e mashtrimit. Nuk karikojnë më, nuk u zë besë asnjë shqiptar apo ndërkombëtar i ndershëm. Ata që u shkojnë pas tre klounëve qesharakë, janë hajdutët e kriminelët e mëdhenj, pasi ata të vegjëlit janë bërë strucë, janë strukur qosheve me kokë në Foltore, Rilindje apo andej nga viset e Lirisë që reklamon krye hajduti Ilir Meta.
Të tërë kanë të njëjtin hall, të mbyllin rrugët e drejtësisë, të njëjtin “armik”, ligjin dhe Amerikën, të njëjtin qëllim, të inskenojnë gjithfarë skenash, deri ringjallje anti perëndimore.
Pra, hajdutët i kanë të ndërlikuara veprimet. Për shëmbëlltyrë kanë Djallin, edhe pse në shishe. Pra, këta ecin përmes rrënojave të veta, “pluhurit” 32 vjeçar, kalojnë mbi viktimat e projektojnë, pse jo, absurdin e kësaj vjeshte. Secili hajdut bëhet theror për hajdutin tjetër.
Brenda interesave të hajdutëve dhe aspak jashtë influencave ruse, edhe me një atentat Edi Ramës, do “minohej” rruga e Yuri Kim./Pamfleti
