Analisti dhe prezantuesi i emisionit “360gradë” Artur Zheji i ftuar në studion e Ora News duke komentuar protestën e sotme por dhe atë të 16 shkurtit tha:
“Rama ka ikur! Kemi një rrugë të mbarë drejt fillimit të ekuilibrimit të pushtetit në Shqipëri. Sot kemi opozitë.”
Zheji komentoi dhe ndërprerjen e sinjalit të gjithë operatorëve të telefonisë celulare në të gjithë bulevardin, përfshirë zonën e protestës dhe përreth Partisë Demokratike.
Zheji zbuloi se kryeministri Edi Rama ka një këshilltar të huaj i cili i ka treguar strategjinë e zbythjes.
Artur Zheji: “A do të jetë Rama i butë dhe i qetë dhe dialog kërkues me shpresën që të ulë temperaturën e të fitojë kohë?
Nga ana tjetër unë e di dhe kam informacion të sigurtë se ka një këshilltar të huaj që është pranë kryeministrit prej shumë vitesh që shëtit në Ballkan dhe paguhet shumë mirë për të këshilluar vendet që i quan vende të lëkundura. Shkon ku e paguajnë dhe strategjia e tij që ka filluar që tek studentët ka qenë zbythja. Dmth në momentin kur vjen protesta apo një valë goditëse ti bëj dy hapa prapa, absorboje, si puna e dallgës që ne kërcejmë mbrapsht për të mos na lagur.
Pra lëre të shterrë fuqinë dallga e protestës, ti rri larg që të mos kesh kontakt, në moment që s’ke kontakt të shohim nëse do vijë dallga tjetër më e madhe. Pra fito kohë dhe mos rrit tensionin. Strategjia deri dje ka qenë tërheqja por nga ana tjetër tentativa e pa rreshtur për trë krijuar një dialog underground. Të shohim nëse do të bashkohet kjo skemë e kryeministrit me skemën e rekomandimeve ndërkombëtare që thotë uluni dialogoni, atëherën do të krijohet një masë e re kritike”
Degjoni nje pjese të analizës së Artur Zhejit në Ora News.
