Dhjetëra mijëra besimtarë janë mbledhur në sheshin e Shën Pjetrit ku do të bëhet ceremonia e varrimit të Papa Benediktit mëngjesin e sotëm.
Ceremonia do të drejtohet nga kreu i Kishës Katolike Romake, Papa Françesku. Trupi i Papa Benediktit ishte vendosur në një pelegrinazh popullor ditët e mëparshme në Bazilikën e Shën Pjetrit në Vatikan.
Kujtohet se Papa vdiq në moshën 95-vjeçare më 31 dhjetor ndërsa vigjilja e tij treditore filloi të hënën. Sot për arsye sigurie hapësira ajrore mbi Selinë e Shenjtë do të mbetet e padepërtueshme, ndërkohë që është ndaluar shitja e pijeve, ujit dhe pijeve joalkoolike në shishe qelqi.
Benedikti, një gjerman nga një fshat i vogël bavarez, ishte Papa i parë në gjashtë shekuj që dha dorëheqjen në vend që të shërbente si kreu i kishës katolike gjatë gjithë jetës së tij. Ky vendim i paprecedentë kishte ngritur pikëpyetje se si do të bëhej varrimi pasi, siç është zakon për papët, trupi i “Papës Emeritus” vendoset në tre arkivole të veçanta. E para është prej druri selvi dhe do të vendoset brenda një arkivol zinku. Dy arkivole do të vendosen përsëri në një arkivol druri.
