Një efektiv i repartit “Shqiponja” mbeti i plagosur me armë zjarri pasditen e kësaj të mërkure në Tiranë.
Ngjarja ndodhi në rrugën “Hysen Xhura” në zonën e Kinostudios, gjatë kohës që patrulla e policisë po ndiqte një person të dyshimtë.
Efektivi Edlir Alleshi mori dy plumba në bark dhe pasi iu nënshtrua ndërhyrjes kirurgjikale, ndodhet jashtë rrezikut për jetën në spital.
Sa i përket autorit të dyshuar të ngjarjes është identifikuar si Klered Bozhanaj 42 vjeç, një person sipas policisë, me shenja të theksuara depresion.
Në një prononcim për gazetarët nga vendi ku ndodhi ngjarja, kreu u policisë së Tiranës Tonin Vocaj, njoftoi një shpërblim prej 20 mijë eurosh për këdo që do të ndihmojë në kapjen e 42-vjeçarit.
