Ne nje postim ne facebook, kreu i Drejtorise se Pergjithshme te Transportit Rrugor Blendi Gonxhe, ka prezantuar teknologjine me te re qe do te perdoret per identifikimin e mjeteve rrugore te pakontrolluara teknikisht, ose me paligjshmeri ose shmangie detyrimesh.
Ja postimi i plote:
![](https://fierilajme.com/wp-content/uploads/2023/02/329168481_583141163681927_2422685027880775641_n-1024x682.jpg)
Tjetër RISI nga DPSHTRR! Sisteme SMART për zgjidhje transparente dhe automatizim të monitorimit rrugor mobil! eMonitorim 2, projekt pilot me teknologjinë më të re amerikane të Motorola Solutions, në bashkëpunim me AKSHI!
![](https://fierilajme.com/wp-content/uploads/2023/02/328886109_935850064457592_2996400179673450135_n-1024x682.jpg)
Parregullsitë në dokumentacionin e mjeteve rrugore sjellin pasoja të rënda për sigurinë publike, mjete të pakontrolluara teknikisht, evazion fiskal, pabarazi, minim të sigurisë rrugore, mosmbulim dëmesh nga aksidentet, dëm ekonomik e varfërim të arkës vendore e qendrore, paligjshmëri e shmangie detyrimesh!
![](https://fierilajme.com/wp-content/uploads/2023/02/328496496_950332246375587_2283810367646357277_n-1024x682.jpg)
![](https://fierilajme.com/wp-content/uploads/2023/02/328570058_727441865423770_3364576612576165301_n-1024x682.jpg)
Qëllimi kryesor i projektit është evidentimi transparent i situatës reale mbi mjetet rrugore që qarkullojnë edhe pse duhet të ishin çregjistruar (aktet e amnistive të mëparshme pa kthyer targat), që kryejnë informalitet në transportin rrugor të mallrave ose udhëtarëve (pa licensa/jashtë afateve apo linjave të caktuara), analizimi në funksion të masave dhe raportimi i menjëhershëm në organet e kontrollit rrugor (Polici Rrugore, Polici Bashkiake dhe Task Forca e Transportit Rrugor) paralel me informimin e qytetarit/subjektit posedues të mjetit rrugor përmes platformave online!
Synim urgjent është ndërgjegjësimi publik mbi përgjegjësitë e detyrimet periodike që burojnë nga posedimi/përdorimi i mjetit rrugor dhe rritja e besimit të publikut tek shërbimet e transportit rrugor, duke ngushtuar lakun ndaj abuzivizmit dhe pandëshkueshmërisë së spekulantëve!
![](https://fierilajme.com/wp-content/uploads/2023/02/328584405_576453944354090_1285079088787436006_n-1024x682.jpg)
Investimi përfshin pajisje të konceptuara për të lexuar targat e mjeteve në qëndrim ose në lëvizje me të dhëna si data, ora dhe koordinata të vendndodhjes, integruar me pajisje mobile, të cilat përmes programeve të instaluara do të bëjnë të mundur zbulimin në kohë reale të pamjes dhe të dhënave mbi mjetin, në standarde të certifikuara sigurie!
Disiplinimi i flotës do të jetë një vlerë e shtuar për normalizimin e habitatit rrugor, uljen e ndotjes dhe kapjen e objektivave të BE për trafikun rrugor!