Guvernatori i i Rajonit Sardegna, Christian Solinas është vënë nën hetim për korrupsion së bashku me 3 persona të tjerë.
Dy fushat e hetimit të hapura nga Prokurori i Republikës së Cagliarit ka të bëjë me blerjen e një shtëpie nga guvernatori i i Rajonit pranë plazhit Poetto në Cagliari dhe lidhjet e pretenduara mes kësaj pasurie të paluajtshme, si dhe shitja dhe blerja e disa tokave në Capoterra, që i atribuohen guvernatorit të Sardenjës.
Po në këtë ekziston edhe një histori e çuditshme që lidh edhe Shqipërinë, ku Fakulteti i Mjekësisë në Tiranë e ka pajisur Solinas me një titull ‘Honoris Causa’ (titull akademik) në kushte vërtet shumë të çuditshme.
Ajo që prokurorët italianë pyesin është se si është e mundur që Guvernatori i Sardenjës i impenjuar të detyrën e tij të lartë institucionale të ketë marrë postin e një akademiku në Shqipëri, Një titull Doktorature kur në Itali nuk e ka marrë një diplomë mjekësie e për të cilën duhen vite studimi e stazhi.
Guvernatori i Sardenajs Cristian Solinas ka marrë titullin Doktor i Nderit në Mjekësi si dhe është emëruar Profesor i jashtëm në Fakultetin e Mjekësisë së Tiranës. Sipas prokurorëve Solinas është nderuar me këtë titull nga Universiteti i Mjekësisë në Tiranë në këmbim të emërimit të Roberto Raimondit në postin e Drejtorit të Programit Eni në Mesdhe.
Këto dyshime kanë bërë që prokurorë nga Cagliari të vijnë drejt Tiranës për të zbardhur gjithçka.