Gjykata Kushtetuese do të japë sot vendimin final në lidhje me kërkesat për tatimin e profesioneve të lira.
Partia Demokratike së bashku me ekspertët, kontabilistët dhe avokatët kanë kërkuar shfuqizimin e pjesshëm të ligjit pasi rëndon shtresën e mesme dhe nuk është në përputhje me Kushtetutën.
Sipas ankuesve tatimi i profesioneve të lira ka mbyllur qindra biznese dhe po cenon sigurinë e tyre.
Ndërsa Kuvendi, Këshilli i Ministrave dhe Ministria e Financave u shprehën se pretendimet e tyre janë të pabazuara, pasi favorizimet në taksa nuk mund të zgjasin përjetë dhe se me këto ndryshime shmangen abuzimet.
