Shkruan Zef Ndreka
Kushdo që do të reflektonte disa minuta per politikën mbi 80-vjeçare në Shqipëri, do të lëshonte shprehjen:
“O tempora o mores”.
Nuk e di a ka Zot mbi dheun e Shqipërisë, që të tregoje qartë maskaradën e politikanëve mbi këtë popull e mbi këtë vend.
Gjithë politikës nga viti 1941 e deri me sot i ka dalë jo vetëm boja, por i ka rënë vetvetiu edhe ndryshku. Kaq të kalbur kanë qene dhe janë.
Por po mbështetëmi tek sjellja e politikanëve në 32- vitet e pseudo demokracisë, apo të demokracisë së kontrolluar nga zgjatimet komuniste.
Sigurisht, në krye të mëkatarëve është komunisti i zi Sali Berisha, i veshur me kostumin e ndritshëm të demokratit.
I konventuar në “demokrat” ky shpirtzi, me urdhër të çetës komuniste të Ramiz Aliajt e të shërbimeve të vendit e të huaja, mori në dorë fatin e lëvizjes popullore për demokraci, duke manipuluar dhe duke u sjellë me pushtetin si para ardhësi i tij autoritarist e diktator
E.Hoxha.
Asnjë ndryshim, veçse nga enverizmi si rrymë, u kalua në një stad tjetër më të rafinuar, në berishizëm.
Në demokraci, autoritarizmi dhe diktaturat nuk kanë vend. Shfaqën por e kanë jetën e shkurtër!
Për Shqipërinë, për shqiptarët dhe për gjithë kombin tonë, për këto 32-vite, Berisha është mëkatari më i madh.
Është ai, që në demokraci prishi zgjedhjet. Shkatërroi votën e lirë! Të gjithve na kujtohen zgjedhjet e 26-majit të vitit 1996, kur u tjetërsonin kutitë e votimit, kur përfaqësuesit e PD-së në komisionet e votimit raportonin fitoret nga 95- në 130%.
Është Berisha që e ka pranuar vetë se ka thyer embargon e naftës me Serbinë, kur makineria ushtarake serbe bënte reprezalie në Kosovën tonë.
Është Berisha që nxiti luftën civile në vitin e mbrapsht 1997 kur u vrarë me dhjetra mijra shqiptarë.
Është Berisha dhe familja e tij që kreu shpërthimin e Gërdecit me vrasjen e dhjetra punonjesve, plagosjen e qindra mijrave të tjerë dhe shkatërrimin e qindra bisneseve e shtepive të banimit.
Është Berisha që minoi dhe shkatërroi sistemin e drejtësisë që me kurset 3-mujore të plepave dhe presionet që bënte mbi gjykatat dhe prokuroritë.
Është Berisha që për shkak të korrupsionit në qeverisje, mori mbi 1-milion vota kundër në zgjedhjet e 2013-tës.
Është Berisha që për të gjitha këto, është shpallur non grat-a nga SHBA-të dhe Britania e Madhe. Është Berisha që ka mbajtur dhe vazhdon të mbajë peng PD-në dhe në qeverisje mafjozin Edi Rama.
Ndaj, ky klasifikohet sot mëkatar më i madh i Shqipërisë, shqiptarëve dhe politikës, i gjithë demokratëve kur i orientoi drejt trafikut të votave për nga PL.
Nën shembullin e Berishës, kanë ecur edhe mëkatarë të tjerë. Metaj psh, ky spiun i mbajtur peng nga Berisha që në fillimet e demokracisë, ish kryeministri i korrupsionit, për të cilin u vrarë 4 të pafajshëm në Bulevardin e Tiranës.
Videot e tij janë bere virale në gjithë botën, por pengmarresi i tij Berisha ia mbylli dyet e burgut për të.
Ndërkohë që edhe ky mëkatar i madh po hetohet nga SPAK-u për shumë afera korruptive financiare.
Mëkatari më i madh sot, që për nga dëmet që i sjell Shqipërisë dhe kombit, është Edi Rama.
Ky në rolin e kryetarit të PS-së dhe kryeministrit të vendit, ka ngritur në një shkallë më të lartë korrupsionin duke ja kaluar dy mëkatarëve të sipër përmendur, madje ka arritur kulmin duke e patur thuajse gjithë qeverinë organizatë të strukturuar kriminale.
Edi Rama është manipuluesi më i madh i opinionit publik, i votave, por deri vonë edhe i ndërkombëtarëve, të cilët tashmë e kanë njohur mirë dhe shpresojmë të vij shpejt goditja edhe për të.
Edi Rama, edhe qeverisjen e ka dhënë me konçesion oligarkëve, të cilët përgatisin edhe vendimet e qeverisë, madje edhe projekt-ligje në parlament.
Por dëmin më të madh politikës së jashtme dhe kombit, veçanërisht Kosovës, Edi Rama e ka bërë me Open Ballkan duke faktorizuar Serbinë si paqësore në rajon. E ndërkohë duke i ngulur thika para dhe pas shpikë Kosovës.
Shpejt do të shikojmë se ashtu siç ka vepruar me investimet për shkatërrimin e opozitës, ai po shkatërron edhe PS-në.
Të gjithë këto mëkatarë janë e zeza e vendit, janë burra krejtësisht të prishur…
Unë besoj se ka Zot mbi dheun tonë, i cili i ka parë të gjitha këto dhe të tjera bëma të tyre, dhe do ju gjejë vendin siç ju takon tradhtareve të kombit, që janë në garë kush të mëkatojë më shumë!