Seanca paraprake për ish-ministrin Fatmir Mediu ka nisur në Gjykatën e Posaçme, pasi u shty gati dy javë më parë. ish-ministri që akuzohet për tragjedinë e Gërdecit nuk është paraqitur vetë, por përfaqësohet nga avokatët mbrojtës.
Mediu akuzohet për dy vepra penale për “Shpërdorim detyre”, njëra e parashikuar nga Kodi Penal dhe tjetra nga Kodi Penal Ushtarak, pasi në kohën që ka ndodhur ngjarja ai ka qenë ministër i Mbrojtjes dhe ngarkohet dhe me përgjegjësi për zbatimin e Kodit Penal Ushtarak.
Seanca e sotme është paraprake, që palët të njihen me akuzën e ngritur nga SPAK dhe që zyrtarisht ka mbërritur në GJKKO. Aty do të vendosej nëse dosja në ngarkim të ish-ministrit do ta kalojë për gjykim apo do t’i rikthehet SPAK për hetime më të thelluara.
Sipas raportimeve mediatike, avokatët e Mediut do të kërkojnë pushimin e çështjes ndaj tij, me argumentin se është pushuar çështja penale. Më herët, Fatmir Mediu është shprehur se gjyqi ndaj tij është politik.
