Shkruan Zef Ndreka
Sigurisht që vizita e Sekretarit të Shtetit Amerikan, nesër në Shqipëri është një hap tjetër i rëndësishëm në formimin e marredhenjeve të shkëlqyera ndërmjet dy vendeve.
Vizita një ditore, ose më saktë disa orëshe në Tiranë do të jetë një ditë e ngjeshur për të dhe shumë përcaktuese në zhvillimet e ardhshme, në një zonë të traguardo nga konfliktet serbe në Kosovë dhe Bosnjë.
Fokusi kryesor i kësaj vizite, pritet të jetë e ardhmja e Shqipërisë dhe e ardhmja e Ballkanit Perëndimor.
Antony Blinken do të takohet me Presidentin e Shqipërisë z.Bajram Begaj, dhe me kryeministrin socialist Edi Rama. Gjithashtu, Sekretari i Shtetit do të zhvillojë takime me disa të rinjtë pranë mjediseve të Piramidës, të cilët kanë zhvilluar programe të ndryshme nga investimet shqiptaro-amerikane.
Pritet që Antony Blinker, të takojë edhe kreun e SPAK-ut, z.Dumani.
Një mundësi kjo, e pa preçedent në vendet demokratike, por që gjithsesi, tregon mbështetjen e fortë amerikane për drejtësinë e re në Shqipëri.
Mbështetja për SPAK-un, sigurisht është thembra e Akilit dhe mundësia e vetme për shqiptarët që të besojnë se Drejtësia mund të bëhet në këtë vend dhe se pa ndëshkueshmërisë i ka ardhur fundi.
Mbase do të ishte e udhës, që Sekretari i Shtetit Amerikan të takonte edhe pjesë nga opozita, por pasi si shtet demokratik e di më mirë se asnjë vend tjetër si funksionon demokracia.
Gjithsesi, do presim edhe çfarë mesazhi do të ketë për të…
